بانگەوازی بەشداریی جەماوەریی
هەمووان ئەبێت لە زرێبار خاوەنداری بکەن
ئێستا کە دەرفەتی خۆنواندنی جەماوەریی بۆ نیشاندانی هەستیاری و بەرپرسیارەتی گشتی ڕەخساوە و هەمووان ئەتوانن ببن بە هاواری ئێش و ئازاری زامەکانی زرێبار و یەکدەنگ ژیانەوەی داوا بکەن، پێویستە لاو و پیر، ژن و پیاو، هەنگاو بەرەو لانکەی ژیان بنێن و سروودی “خۆشم ئەوێی وڵاتەکەم” بڵێنەوە.
ئێستا کە جەستەی زرێبار برینداری کەمترخەمی و نەزانکارییە، پێویستە دەست لە نێو دەستی یەکدی، هەنگاو بە هەنگاو بە دوونیای ڕاگەیەنین “بە تەنیا جێی ناهێڵین” و ڕێگە نادەین ئاوەدانیمان بە تاڵان بڕوا و ژیانی زرێبار گرێدراوی ژیانی هەموومانە. پێویستە بیڵێینەوە بست بە بستی ئاو و خاکمان نەک بە هەنگاو بەڵکوو بە گیان و دڵ ئەپارێزین کە پاراستوومانی و کە ژیاندوومانی.
خەڵکی بە شەرەفی کوردستان بە تایبەت مەریوان و ئاشقانی ژیان و ژینگەی وڵات بەتایبەت زرێبار، هاتنتان ئەرکە و شوکرانەبژێری یەزدان.
ئێمە وەکوو ئەنجومەنی سەوزی چیا لە هەموو هاوڵاتیان داواکارین بە هانای زرێبارەوە بێن و ڕۆژی هەینی کاتژمێر ٢:٣٠ بەرەو زرێبار ڕێکەون.
هاتنتان پڕە لە شانازی و چاومان لە ڕێگاتانە.
ثبت دیدگاه